EcHouse裝修配對平台

前日小編就教左大家點樣正確戴口罩，今日就會同大家講下最近好常用到的酒精搓手液消毒，使用時都要注意正確用法同注意事項，方法用錯隨時失效，更嚴重會引起火災，做個盡責市民學識正確步驟保持個人衛生啦！ 衞生防護中心亦有提出酒精搓手液的正確方法，不論是否面對肺炎病毒，亦而要學識正確步驟，保持個人衛生，步驟如下： 1.把足夠份量的酒精搓手液倒於掌心後，揉擦覆蓋整雙手。 2.依次序揉擦手掌、手背、指隙、指背、拇指、指尖及手腕。 3.揉擦至少 20 秒至30秒後，直至雙手乾透。 另外使用酒精搓手液亦要特別注意以下事項： 1.注意酒精搓手液的酒精濃度應為70%至80%，而噴霧式及啫喱狀酒精搓手液功能一樣。 2.使用時留意使用分量，每次可以使用3-5毫升份量，即約一手心既份量，唔好用太多。 3.雙手若已污糟或有沾污油積和處理過生肉後，則不宜使用酒精搓手液，因油污有機會使搓手液不能發揮殺菌效果，而要用洗手液和清水洗手。 4.搓手液需擺放於陰涼處，避開靜電或生火位置以免引起火災，亦要避開小孩容易觸碰之處。 今日小貼士就講到呢到，大家都好緊張個人衛生，但係都要記住要搽返D護手霜保護下皮膚啊！ 熱門搜尋:   室內設計裝修 ,  香港裝修設計 ,  香港室內設計 ,  設計空間,   裝修公屋 唔想爛尾? 黎  www.echouse.com.hk  - 免費裝修配對平台，幫您配對3間裝修/設計公司，提供分析及監測施工進度。平台推3年來配對超過600宗裝修，杜絕爛尾，政府科學園公司，信心保証!

依家武漢病毒爆發後，人人都戴口罩自保，但係有唔少人都會用錯方法口罩，令口罩防病毒功虧一簣，早前日本節目指出有近60%的人都戴錯口罩，今日小編就同大家講下點樣戴口罩先可以預防到啦。 首先第一，最緊要就係戴口罩之前一定要先消毒清洗好自己雙手先戴口罩。 第二，有好多人都唔識分口罩的正反面，其實好簡單就可以分辨到，口罩通常都係深色面向外，淺色面向內，如口罩正反面顏色一樣可以留意，正面的金屬條凸出及摺痕是向下。有些日本或台灣口罩會有一條摺痕向上，大家都可以留意下。 第三，戴口罩時係金屬條位置按壓鼻子，口罩貼近下巴，越緊實越好，唔好因為覺得焗就唔戴好口罩，唔戴好會令細菌病毒係口罩的空位流入。 第四，係口罩短缺的情況下，如果係同一日又想重用口罩的話可以用信封保存，但需要做好雙手消毒，但係不係必要時請盡量更換另一個口罩，口罩通常都係一次性用品，最好用完即棄。 第五，新型冠狀病毒並唔可以係太陽底下被殺滅，依家病毒只可以係56度以上高溫持續30分鐘，太陽照射口罩唔會達到呢個高溫所以並不可行，而衛生防護中心都有重申口罩並不可以用100度高溫蒸完再用，大家就唔好誤信網上傳言蒸口罩啦！ 最後第六，係丟棄口罩時候可以用膠袋密封再放入垃圾桶，如果想避免比黑心商人重用口罩的話可以剪斷耳繩，不必剪碎口罩，因為係剪碎口罩時候會令口罩表面既細菌病毒四散，反而更加危險！ 以上簡單既正確戴口罩方法大家要記得住啊！同埋戴左口罩就不要成日摸口罩表面，口罩表面有很多細菌！ 熱門搜尋:   室內設計裝修 ,  香港裝修設計 ,  香港室內設計 ,  設計空間,   裝修公屋 唔想爛尾? 黎  www.echouse.com.hk  - 免費裝修配對平台，幫您配對3間裝修/設計公司，提供分析及監測施工進度。平台推3年來配對超過600宗裝修，杜絕爛尾，政府科學園公司，信心保証!

上個星期小編教左大家點樣揀口罩啦，咁今日就同大家講下小編一直都有提醒大家勤洗手啦！其實與其一窩蜂搶購口罩或囤積口罩，正確的洗手時機同步驟先係預防傳染病(病菌、病毒)最簡單、有效又經濟的方法。 以下小編就簡單整合一些正確的洗手時機比大家。 1. 咳嗽捂口或用衛生紙擤鼻涕後：避免雙手沾染的分泌物和病菌傳播。 2. 吃東西前：避免手上的病菌接觸到餐具和食物而帶入口中，每間餐廳都應有洗手設備。 3. 戴口罩前或除口罩前後：佩戴口罩前應先用梘液及清水，或酒精搓手液潔手。 4. 如廁後：洗去尿液或糞便，及掀馬桶蓋、沖水、開關門時沾染到的病菌。 5. 外出返家時：特別是有新生兒的家庭應洗手、換衣物以隔絕由外帶回的病菌。 同埋洗手步驟要記得係濕手後，用洗手液塗抹雙手，並充分搓揉最少20-30秒，差不多兩次生日快樂歌的時間，搓洗範圍包括手掌、指頭、指縫、手背和手腕，然後沖水並擦乾雙手。 大家要記得以上洗手時機同步驟，如果洗手時間不足20秒咁就同冇洗冇分別架啦！ 都可能有人會問小編消毒搓手液同用洗手液清水洗手，到底有沒有分別？ 其實在一般情況下，用洗手液同清水洗手就已經足夠。但未必在任何地方都有水可用，所以就要準備其他代替的方案，例如使用消毒紙巾、消毒搓手液。消毒紙巾可抹手同物品，而消毒洗手液可以係冇水洗手的時候用作清潔。 但係消毒紙巾和消毒搓手液並唔係最好的清潔雙手方法，所以如果大家係屋企記得要用洗手液同清水洗手！ 熱門搜尋:   室內設計裝修 ,  香港裝修設計 ,  香港室內設計 ,  設計空間,   裝修公屋 唔想爛尾? 黎  www.echouse.com.hk  - 免費裝修配對平台，幫您配對3間裝修/設計公司，提供分析及監測施工進度。平台推3年來配對超過600宗裝修，杜絕爛尾，政府科學園公司，信心保証!

武漢肺炎疫情持續，全港有不少市民買到假貨或劣質貨。小編今日就同大家介紹下美國、日本、韓國、歐洲以上國家對於口罩的標準，咁樣大家就可以有效咁抵擋病毒和細菌。 首先就係美國口罩的標準，美國口罩以ASTM（American Society for Testing and Materials）標準F2100-11，口罩至少要通過BFE 和PFE 的測試 Level 1等級口罩的防護能力，BFE和PFE需要≥95% Level 2和Level 3的級別BFE和PFE則需要達到≥98% 而Level 3仲可以有效地阻擋液體，阻擋口罩被血液或體液飛濺 日本口罩的標準，日本口罩以BFE/PFE/VF做最主要標準 BFE （細菌過濾率）> 98%，最少98%可過濾微粒3微米，如花粉或一般飛沫 PFE （顆粒過濾率）> 98%，最少98%可過濾微粒0.1微米，如流感病毒 VFE （病毒過濾率）> 98%，最少98%可過濾微粒0.1至5微米 韓國口罩的標準，韓國口罩係以「KF」即是「Korean Filter」做標準，韓國市面上分別有「KF80」﹑「KF94」以及「KF99」3種 「KF80」可阻擋80%來自空氣中大小為0.6微米或以上的微粒 「KF94」可阻擋94% 0.4微米的微粒，「KF94」的口罩能夠過濾一般傳染性病毒。 「KF99」可阻擋99%大小為0.4微米的微粒 歐洲口罩標準，歐洲口罩係以EN1468做標準，當中BFE的要求與ASTM的要求一樣；而EN14683沒有就顆粒過濾效率（PFE）進行測試 Type I為最基本的防護，BFE≥95%，最少95%可過濾微粒3微米，如花粉或一般飛沫 Type II BFE≥98%，最少98%可過濾微粒3微米，如花粉或一般飛沫 Type IIR BFE≥98%，最少98%可過濾微粒3微米，如花粉或一般飛沫，而只有Type IIR才有液體阻擋的標準 大家除了日常出外要戴口罩外還要記得勤洗手，保持個人衛生。 熱門搜尋:   室內設計裝修 ,  香港裝修設計 ,  香港室內設計 ,  設計空間,   裝修公屋 唔想爛尾? 黎  www.echouse.com.hk ...

琴日小編就教左大家4個國家既口罩標準，唔知大家記到幾多呢？今日小編就黎教下大家幾個口罩等級啦！係呢個口罩資源緊張既程況下，真係要睇清楚先好買啊，唔好誤入騙徒陷阱！ 高防疫口罩 ‧BFE+PFE+VFE(>95%) ‧VFE(>95%) ‧ASTM Level 2-3 ‧EN 14683 ‧CNS 14774 ‧N95 中防疫 ‧PFE(>95%) ‧BFE+PFE(>95%) ‧KF94/KF99 ‧ASTM Level 1 高防疫(豬咀)(6000/7500系列) 濾棉及濾罐配搭推介 ‧6001-6006 濾罐 + 501 + 5N11cn配搭(容易買入) ‧603 adapter +5n11 濾棉 +501蓋 (等同N95) ‧7903 濾罐(最勁) 但係豬咀係冇口罩/口罩短缺下後的最後方法，如非必要大家都記得要用返醫療外科口罩，用豬咀後記得用後要清潔乾淨，因為消毒不正確的話會引起好多問題！小編簡單教大家點樣清潔消毒啦！ 1.用70%酒精／鹼液洗手 2.用酒精/1:99滴露/漂白水抹外殼  3.洗手 4.用紙巾拆Filter除豬咀 5.1:99漂白水/滴露沖擦豬咀全身 6.用清水浸5-10分鐘後再沖水確保冇漂白水殘留係豬咀 7.風乾豬咀 8.入密實袋備用   9.洗手 除左有以上合標既口罩防疫等級都有唔合標格既口罩 不合標準的口罩 低防疫 ‧BFE(只阻隔飛沫病毒) ‧KF80(只阻隔0.6微米以上的微粒) ‧PM2.5(只阻隔微粒沙塵) ‧海綿口罩、布口罩完全防唔到病毒微粒 黑心口罩 ‧市面上有好多人都會將人地用過既口罩洗完再簡單包裝後賣比人，呢D口罩除左唔衛生外其實經過用水等等去沖洗已經破壞左口罩的結構組織，已經冇辦法防病毒或飛沫。如果戴左都會隨時中招！  ‧仲有D包裝成外國牌子但係入面D口罩全部係內地生產沒有認證的口罩，更甚有D口罩只有一層薄到透的完全冇作用！ 記得以上既黑心口罩都唔好買！浪費金錢外仲會隨時有危險。 其實係依家口罩供應短缺下大家都要互相體諒互相分享，一個人既大量囤貨行為只會令到身邊既人都冇...